هلا بكم كلكم ..

هالفترة تقريبا قبل اسبوع كنت عايش مرتاح واموري كلها تمام .. اروح واجي وروتين بسيط وعادي وهادي جدا لحد الثمالة .. وكنت في اول الشهر ادور لي عن ارض لأني ناوي اشتري ارض و اروح للمكاتب  و اتعلم واكتسب خبرات وتجارب جديدة وعرفت كثيييييييير من الاشياء و اساليب البيع والشراء والعقارات .. لكن قبل اسبوع كنت قاعد مع نسيبي سواليف وكل شي حلو وتعشيت .. بعد العشاء بنص ساعه حسيت اني حرااااااااااااااان والجو حولي بااااااااارد وما اقدر اتحرك واتنافظ والدنيا حر وبرد بنفس الوقت وعظامي متفتفته .. والدنيا طيييييييييييييين بالعربي .. جيت ابنام مع لفظ الشهادتين .. لأني حسيت ان الموت ” قاب قوسين أو أدنى ” فعلا الم فضيع توضيت ونمت لأني حسيت اني منيب قايم وصرت اشوف ناس يبيعون علي ويشترون وحرريييييييم واجد هههههههههههههه وتجارة على سنع وناس يسولفون معي واسولف معهم وانواع الفلة لكن الغريب كل شي رخيص وصرت كل شوي اقوم من النوم واشرب موية وارجع للبزنس خخخخخخ >> تخريف بسبب المرض ..

قمت من بكره والنوم ما صار نوم وقرف وألم جديد بالبطن والله يجيركم منه وصرت اضيّع الالم بالاستحمام ولا اضيعه بالنوم وما اشتهي الاكل .. وحالتي فعلا صعبة وصرت كل اليومين بالسرير ما اتحرك ولا اكل بس اللهم شرب مويه وعصير بسسسسسس وجلست الى اليوم الثالث من المرض وكلموني بعض ربعي الباش مهندسين باسم والبراء وقالوا لي نبي نطلع لمنتزه قلت قدام .. وانا كنت تعبان .. و رحت وانا على مضض زي ما يقولون وجلست معهم وما زال الالم موجود وهم اصروا على اني اروح للمستشفى ورفضت طلبهم مثل ما رفضت طلب امي وابوي قبلهم ههههههههههههههههه والله انا واحد اعتبر المستشفى اقصر طريق الى المقبرة خخخخخخ خصوصا بالمملكة دكاترة زي العسل    والله وجلست معهم شوي وبعدين ما تحملت الالم اللي فيني ورحت للبيت ونمت .. وانا كل هالمدة وانا نايم اقوم من نومي اصرخ بعض المرات فعلا الم شديد وعلشان اني كل هالمدة ما اكلت شي نحفت نحف ملحوظ وبعد ما تعافيت صرت ما اتقبل كل الاكل والاكل القليل يكفيني وصرت احسن من ناحية الاكل الحمد لله واليوم انا طيب وبخير وما فيني اي علة .. الله يديم عليكم الصحة .. وعلى كل مسلم ..