مرحبمبم ..

انا واحد من الناس ما اقتنعت بالتوقيع مطلقا مطلقا >> مشكله والله

ما ادري ليه احسه غير موثوق واحس ان اي واحد يقدر يزوره بسهولة ..

وشي ثاني انا عندي اعتقاد انه ما فيه اي آدمي يقدر يوقع توقعين متشابهين لو يقعد يوقع نفس التوقيع الف مره ولو تبون الفين موب مشكله >> هذي معاناة عنده .. هع هع علشان كذا يكره التوقيعات

ودايم استحقر التوقيع بالمعاملات الرسمية وانا شخص متمرد على النظام وللأسف  .. >> اعقل ترا موب احسن لك ..

ودايم اذا قالوا لي وقع اوقع  توقيع ساخر او توقيع وهمي كأني اقول لهم .. ترا المسأله كلها سخيفة وماله داعي التوقيع .. ومرات من زود الاستهتار اوقع بقلم الرصاص .. حتى اذكر اخر مره بأختبار  Computer Architecture جابوا لي ورقة التوقيعات اللي تثبت اني دخلت الاختبار ووقعت بالرصاص قدام المراقب .. قال لي” هذي ورقة حكومة يا محمد ..” وعيونه طايرة ومستغرب .. انا قلت له ” عشت يا حكومه ..” >> موب انا اقصد واحد ثاني .. هع هع

اهم شي من الكلام اني ما اؤمن بالتوقيع وانا من النوع اللي ما يسوي شي الا مقتنع فيه 100000% وهذي مشكله بشخصيتي وتطيحني بمشاكل >> ماله علاقة ببنطلون طيحني  ..

وكنت ماشي طول عمري اني مالي توقيع ثابت نهائيا من عرفت الدنيا وانا على هالمنوال .. لكن بوقت من الاوقات لما سويت حساب بالبنك قبل كم سنه .. بديت امرن نفسي على توقيع ثابت .. والحمدلله طاح الاختيار على توقيع بايخ وعلى بياخته ما اقدر اكرره مطلقا بالموت يضبط معي .. واخذ البنك توقيعي ولازم يكون عندهم صورة من التوقيع علشان عمليات المقارنه بعدين .. اذا ودك تكتب شيك او اي شي ثاني ..

ندخل بالسالفة >> مطوووول الولد ..

انا قبل فترة .. انكسرت بطاقة الصرافة حقتي .. ورحت اليوم الظهر بسوي بطاقة جديدة و عيال اللذين ياخذون من الواحد 75 ريال على بطاقة ما تسوى 4 هللات ونص >> !! بنك الراجحي .. تفو مع التحية !!

لكن الشكوى لله موب هنا المشكلة .. >>اجل وين اخلص علينا

المشكلة علشان تطلع بطاقة جديدة لازم اجراءات .. وهالاجراءات هذي لازم توقع عليها !!!!>> بدت المشاكل .. موسيقى تصويرية تررررا تررررا (رعب)

وانا وقعت بكل ثقة توقيعي المعتاد تحت مبدأ ” ان ليس هناك اي توقعين متشابهين على الكره الأرضيه ” هع هع هع >> يا ثقل دم

وقال لي الموظف .. وهو ماله خلق ” محمد ترا توقيعك مقلع شوي خخخخخخخخخخخخ” قلت له وش اسوي >> اول مره احد يدقق على توقيعي .!

المشكلة يا طويلين العمر اني لازم اوقع على الاستبيانات تبع بطاقة الصرافة الجديدة والتوقيع لاااااااااااااااااااااازم يكون نفس نفس توقيعي اللي موجود عندهم من عدددددددددددددة سنوات !!!!!!!!!!!>> يرحم ابووووووووكم قولوا غير هالكلام ..(مع دمعتين )

انا لو تجيب لي ورقة وتقول لي بهالدقيقة وقع لي توقيعين متاشبهين لو يكون شخط واحد عجزت اسويها كيف توقيع موقعه قبل كم سنه !! مررررررره ما اقدر .. قلت للموظف ” استحالة تجي ” جا قال اجل ما فيه بطاقة كذا !! ووراني توقيعي المغبر قبل كم سنة لما فتحت الحساب وقال لي .. حاول انك تسوي زي هذا .. وبديت اعاتب نفسي >> مالقيت الا هالتوقيع يا بو حمييييد ما لقيت اسهل من هذا !! وانا بحالة يرثى لها . . لأني لازم اسوي لهالتوقيع كوبي لازم يكون مطابق له ..!!!!

وحاولت والحمدلله ضبطت معي وجا مشابه له ههههههههههههههه بالصدفه طبعا وربي اني أشفه شف   ورحت واخذت البطاقة .. وان شاء الله اسوي لي توقيع موحد >> وعلى الله تضبط