يا طويلين العمر .. اليوم الخميس العصر والناس نياما .. موتري بالورشه لها كم يوم بنت الذين ما ودها تختمها معي بخير .. وانا محاتسيكم ناوي ابيعها لو بقرشين لأنها طاحت من عيني بعد البلاوي اللي صارت لي بسبته .. تخيلوا بعد العشرة صارت تطفى بي بسرعة 160 ! ! شفتوا النذاله بهالموتر    وانا هاليومين حاط الموتر بالورشة لتصليح بعض المشاكل >> لاحظوا بعض !!

عموما العصرية لقيت رفيقي بربر صاحب المهام الصعبة على المسنجر  ,.. >> مصلحجي اصلي ,,

وقلت له نخيتك يا بربر ابيك توديني اشوف موتري اشتقت لها :-( >> لا والله ما صدقت يا بوحميد

ورحنا هناك فإذا الموتر بطلتها البهية قد زانت >> رجع للفصحى

ومير به ذاك الطعس اللي حتى امه ما تشتهي رقعة وجهه ..انا اقترح عليه لو يبيع موتره ويشتري وجه جديد احسن له .. و زودن على الشين قليل ادب ونفخه ولا يعرف يتكلم يعني 3×1 ومير هذا شي موب جديد على المطعس .. انا كنت اسولف مع الميكانيكي وقطع سالفتنا هالطعيس الودر .. وما تكلمت انا .. قلت يا ولد عيب تنزل مستواك  واخزياه هع هع ..اهم شي انثبر هو واذانه >> الغريب ان اذانه كبار بشكل ملفت حسيت انه من يأجوج ومأ جوج .. ورب النعمه اذانه شكلها تلقط قنوات النايلسات تراها اكبر من الدش الايروستار القديم ..

وانا قاعد مع بربر ومير ينهبل البدوي ونسمع صراخ وهواش والحظارم يفكون بين الطعس ومصري يشتغل بالورشة دهّان انا حسبته استهبال او هوشة بتمر وتعدي اهم شي انا واحد ما احب هالحركات ذي .. تخيلوا وش سبب المشكلة يا معشر القراء >> هالولد  به جني جاهلي لا زم ينطق بالفصحى !!

طعس vs مصري

المشكلة يا طويلين ما دري طوال العمر كان المصري يرش سيارة بوية جمب سيارة الطعس الحقرور والطعس يقول ابعد عن موتري لا تخربه والظاهر انه غلط على المصري لأنه طعس والطعس حسب نظرية جاليلو الحسن يقول ان كل طعس حقير نذل جاته مصيبه .. مالكم بالطويلة تكافخوا شوي ومير المصري لخلخ الطعس بماصورة ورفس بطنه ترفيس لين قال امين..  الطعس شكله قد كفخ له مصري ايام الابتدائي وحسبها حلى .. ما يدري ان هالمصري ما يعرف الرحمه وما طلع الا بالجلافة الصح .. ومير يمردغه ويمردغه و ويمردغه والحظارم فكوهم من جديد واستانس الطعيس >> عطوه عمر جديد

شكله بيتصدق عن الحظارم وبيضحي عنهم بعيد الاضحى الجاي  من زود انهم فكوا ازمته .. ومير يبدا الطعس يحورث ويستدبش من جديد وشكله ما تاب عقب الترفيس ويقول للمصري كلام مشفر حتى بزران التمهيدي ما يقولونه لكن وش نسوي الطعس يبقى طعس لو خشمك عوج ..>> مادري انا اخطيت ولا لا

ورجع المصري ومردغه وجلس يدعس فيه  .. انا بصراحه حامت تسبدي منهم بغيت اقوم والخلخهم كلهم وقلت لهم يا اخوان اذكروا الله ما يصير هالكلام ذا >> يقالي حكيم

تخيلوا الطعس وش قال والعياذ  بالله قال كذا بالحرف الواحد وهو يناظرني  “ بلا الله بلا هم ” يعني هالطعس الهمجي ما يدري ان هالكلمه يمكن تدخله النار !!! لكن صدق القايل ” رب كلمة قالت لصاحبها دعني “وهذي اية المنافق بالحديث ” واذا خاصم فجر ” سبحان الله وهذا هم الاعراب كما قال الله عنهم ” ان الاعراب اشد كفرا ونفاقا“  وفي الحديث “ رُُب كلمة لا يُلقي لها بالاً تهوي به في النار سبعين خريفاً ..” يعني سبحان الله خلصت الكلمات علشان تقول هالكلمة والعياذ بالله وهذي هي فكرة التدوينة انه الواحد مهما يعصب لا يتعدى حدوده كيف هذا يتعالى على الذات الالهية ..

ونرجع للمعركة البهيمة بين الطعس والمصري ..>> للحين ما خلصت الاحدات المثيرة

وفكوه الحظارم مره ثانيه وبدا ينافخ كأنه وده يكفخ المصري والمصري عفط مواصير الورشه بظهر الطعس الاعرابي ..ومر الوقت وبعد ساعه كذا ما انتهى هالطعس كأنه ناوي ما يطلع من الورشه الا مشيول على جنازه .. ويرجعون يتهاوشون وصارت المشكله بين حظرمي وبين الطعس ويكفخه اليماني حسيت انه مثل محمد الصيرفي بصادوه 1 ما فيه ممثل ما عطاه طراق ههههههههه  لكن وش نسوي طعس يبقى طعس يحب النكد والمهانه انا لو مكانه طلعت برا  الديرة 6 سنوات ونص من الفشيلة .. بس حقرور .. و وجا واحد سعودي اتوقع انه صاحب الورشه رجالن ملتحي دخله هالطعس بالمشكله .. لكن الغريب ان هالطعس موب صغير .. اللي قاهرني انه كبير يجي عمره بالثلاثينات .. والله شي يقهر انا مستغرب انه البشر كلهم ما يسوون هالشي هذا وبهالعمر هذا الا الطعوس لذا فكرت بفكره غريبه نوعا ما اننا لازم نصنف الطعوس على اساس انهم كائنات مشابهة للبشر لأنهم يحملون الكثير من صفات البشر وليست كلها .

ومير الله يحييكم .. حوم تسبدي هو ونفخته.. ومير برد تسبدي الصعيدي ويا جعل راتبه يزووود 300% على تأديبه لهالطعس وجعله عبره لمن يعتبر.

وسلامون عليكم